E auassiut, eshkᵘ kushpipan ashit uikanisha.
Meshikaht nete tshe uitshiht, Tenesh iamekateu ukauia, ui tshituteu.
Ushima uitsheuku pepamutet minashkuat, natamikᵘ anite ui aituteuat.
Tshekᵘ ma eshpish taht, matenitamuat nete pemuteht ekue uapamaht auenua, mishta-shetshishuat.
– Nanipauat nete atikuat! Iteu ushima.
Ekue kashuht, kushteuat tshetshi uapamikuht.
Minekash tshitapameuat, mishta-minunueuat mak ui kushtashinueuat, tanite mishta-mishanua ussishikua ne aueshish.
Ekue tshiueht kanapua, natshi-uitamuat tshekuannu ka uapatahk.
Uatamuakanit etaniti nenua atikua, nasht uni-tshissitutamᵘ nipinu ka ui natak ekue utshipitak passikannu ne tshishennu, shaputue shekashkupatuau.
