Tshinashkumitin Innu, akua etutamin tshitassi.
Meshkanau tshe uitshikuian nitinniunit, nitaimunit kie nitaitunit.
Iapit kie tshin nuitsheuakan, tshika ui ne tuten, uesh tshinanu ne tshitinniunnan.
Nanitam tshe ishpish inniuiakᵘ, tshika ui ne ishi-mamitunenitenan.
Nipa minueniten kie nin tshetshi kushpian nete ka tat nutaui.
Nipa minuaten kie nin tshetshi uapataman, eshpishanit assinu, ka uapatak.
Anite ka pimutet, kie nin nui pimuten; anite ka patshitauat, kie nin nui patshitauan.
Innuat mishue ka utshipaniht miam anite ut: Pessamit, Essipit, Uashat, Mani-utenam, Ekuanitshit, Nutashkuanit, Unaman-shipit, Pakut-shipit kie Matamekushit pakushenitamuat kie uinuau tshetshi uapatahk utassiuau.
Mamu mitshimishkamutau tshitassinan!
