Eshakumitshishikua, napeu natshi-natau.
Iamekateu utshishkuema ekue tshitutet.
Napess etati, e auassiut, uitsheueu utauia, tshituteu kie uin.
Peikuau ma anite, innuat shiuenuat, apu nipaiaht aueshisha.
Uenit ma tshetshishepaushinit minu-tshishikanu, nika tshituten itenitamᵘ, tanite nasht apu shapishit.
Shash patetat-tatutshishikua eshpish eka mitshishut, natamikᵘ ishinamᵘ, apu matenitak uiau, akushu ussishikua kie shash apu tshikanak.
Nenua ukussa tshitapameu, eshkᵘ minu-aiatshinua, tshitimatshenimeu.
Eukuannu tshe ui ushkuit, shetshishu shash uieshimiku nenu eka matshishut.
Natuenitamueu Tshishe-Manitua tshetshi uitshikut kie tshetshi minikut shutshishiunnu.
Ukussa tshitapameu, minuenitamᵘ tshe inniuht eshkᵘ minekash.
