Ueshkat innuat inniuipanat nutshimit.
Eshakumitshishikua, napeu natshi-natau.
Iamekateu utshishkuema ekue tshitutet.
Peikuau ma anite, innuat shiuenuat, apu nipaiaht aueshisha.
Uenit ma tshetshishepaushinit minu-tshishikanu, nika tshituten itenitamᵘ, tanite nasht apu shapishit.
Takunamᵘ passikannu kanapua, pakushenitamᵘ tshetshi mishkak tshekuannu nete papamuteti.
Nanipauat nete pessish shipit, ashuapameuat aueshisha.
Uapameu tshek atikua, mishta-minuenitamᵘ.
– Eukuan mashten tshe ui passitsheian itenitamᵘ ashit pitatsheu upassikan.
Ukussa tshitapameu, minuenitamᵘ tshe inniuht eshkᵘ minekash.